چل و چوار کەسایەتی، بەرپرسی ڕێکخراوە سیاسی و مەدەنییەکانی سەر بە نەتەوەکانی ئێران لە ڕاگەیەندراوێکدا ناڕەزایەتی خۆیان لە دوادەربڕینەکانی ڕەزا پەهلەوی نیشان دا. ئەوان لەڕاگەیەندراوێکدا لە ژێر سەردێڕی " ئاغای پەهلەوی سنووری خۆت بزانە، مەملەکەتی مەحروسەی ئێران خاوەنی هەیە " لە سەر قسەکانی ناوبراو سەبارەت بە ناسیونالیسم، شوینیسم، پەڕینەوە لە دیموکڕاسی و دۆخی نائاسایی دوای ڕووخانی ڕژیمی کۆماری ئیسلامی، هەڵوێستیان نواندوو پێداگرییان کرد کە: " بناخەی سەرەڕۆیی لە ئێران لە سەد ساڵی ڕابردوودا بە کودەتای دژی قانوونی بنەڕەتی مەشروتە لە لایەن ڕەزاشای باوەگەورەی ئەو داڕێژراوو دواتر بە کودەتای باوکی ئەو واتە موحەممەد ڕەزاشای پەهلەوی بە دژی موحەممەدی موسەدیق درێژەی پێدراوو هەروەها لە بەیاننامەکەدا هاتوە کە ستەمی نەتەوەیی دژی نەتەوە بندەستەکانی ئێڕان لە سەردەمی باوە گەورەی نابراوو بناخەی بۆ داڕێژراوو کۆماری ئیسلامی درێژەدەری میراتی باوەگەورەی ئەوە. دەربڕینی شوینیستی و شەڕ دژی نەتەوەکانی ئێران لە سەردەمی پەهلەوی یەکەم وو دووهەم لە کۆمەڵگای ئێران پەرەی پێدراوو کۆماری ئیسلامی درێژەدەری ئەو ڕێگایە کە ڕەزای پەهلەوی نەک هیچکات ڕەخنەی لەو سیاسەتە چەوتە نەگرتوە بەڵکو کەمترین باوەڕی بە مافی نەتەوەکانی ئێران نییە. لە ناو واژۆکەرانی ئەو ڕاگەیەندراوە کۆمەڵێک نوسەر، چالاکی مافی مرۆڤ، چالاکی سیاسی و بەرپرسی ڕێکخراوە سیاسییەکانی نەتەوەکان ئێران دەبیندرێن.