وە ناو ئداڵەت و ئازادی

وەو پەڕ خەم و پەژارەوە، هەواڵ ئێئدام ڕەزا ڕەسایی بی گونا، جوان کورد خەڵک شار سەهنه لە ئوستان کرماشان لە لایەن دەسەیل خوینڕیژ و تاوانبار جمهووریی ئسلامیێ ئێرانەو وە بیانگ خووپیشاندانەیل و تەزاهوراتەگان ساڵ ١٤٠١ ڕەسییەو پێمان. ڕەزا ڕەسایی خاوەن باوەڕ ئایین یارسان بی و وە ناهەق دەسگیر کریا و دۊیەکە شەوەکی وە بی هۊچ جوورە دادڕەسیی ئادڵانەییگ ئێئدام بی. ئێمە ئێ کار زاڵمانە و نائێنسانییە شەرمەزار و ئێدانە کەیمن.

وەی جوورە، وە بنەماڵەی جەرگ سزیای و خەمبار ڕەزا ڕەسایی، مەردم سەهنە و کرماشان و گشت کوردستان سەرەخوەشی کەیم و وە پێدان ئۊیشیم ک بەشداریم لە خەمدان. ئێ جنایەت ئاشکارە تەنیا یەکێگە لە نموونەگان ستەم و سەرکوت ک خەڵک کورد لە کوردستان ئێران وەگشتی وەرایوەرن وە گەردی.

ئیرەنگە فەرەتر لە ٤٥ ساڵە جومهووریی ئسلامیێ ئێران وە گەرد سیاسەتەیل سەرکوتگەرانەی خوەی، دوچەوەکیێ دینی، مەزهەبی، ئێتنیکی، زوانی و ناوچەیی؛ خەریک سەرکوت و زوڵم و چەوساندن سیستماتیک و ئێئدام و کوشتن و قڕکردن پێکهاتەیەیل ئایینی، مەزهەبی و زوانی جوور بەهایی، سونی، دەوریشەیل و بگرە شیئەیلیگ ک جوور خوەیان هۊرەو نیەکەن و یارسانییەیلە ک دۊیایین کەسی ڕەزا ڕەساییە.    

نەتەوەیل کورد، بەلووچ، ئەرەو، تورک ئازەری و ئەو باقی نەتەوە غەیرە فارسەگان لە مافە سەرەتاییەگان مرۆڤ و هە وەیجوورە مافەیل مەدەنی بێبەش کریانە. زوان و فەرهەنگیان وەرچەو نیگیریەی و هەوڵ و مەنیبۊینەگانیش ئڕا زنی ڕاگردن ئەو فەرهەنگ و داب و نەریتەیلە سەرکوت کریەد.  سیاسەتەیل دوچەوەکی و تەبئیز ئابووری و ئقتسادی و کوومەڵایەتی، ناوچەیل سنووری و مەرزی و هەژار وڵات گرفتار بوحران و هەژاریی لەڕادەوەدەر کردیە.

ئێمە جوور چالاکەیل کورد بەش خوارین کوردستان ڕووژهەڵات، لە گشت مەردم شەریف و ئازادیخواز کورد داوا کەیم ک لە وەرایوەر ئی زوڵم و نادادپەروەرییە بێدەنگ و تماشاکەر نەۊین، چۊن ئەگەر ئێ نزامە وەی ڕێیە بچوود؛ هیچ کاممان دەرچین نەیریم و سەرە و نەوبەی ئیمەیش تیەید.

هەروەیجوورە لە گشت ئازادیخوازەیل، چالاکەیل سیاسی، مەدەنی و فەرهەنگی و گەورایەیل کورد داوا کەیم ک هوشیارتر لە هەمیشە بۊن و وە یەکگرتن و یەیدەنگیی فەرەتر هەڵسیمن ئڕا موبارزە وەگەرد ئی سەرکوتەیلە. تا ئەو کاتە ک ئێمە جوور یەی نەتەوە دەنگ خوەمانەو بەرز نەکەیمن و جوور بەنگلادێش و ڤێنێزووئێلا نەڕەسنیمەیە گووش گشت دونیا؛ هۊچ کەس وە فریامان نییەڕەسێد.

بایمن دەس بخەیمە ناو دەس یەک، ئڕا ئازادی، دادپەروەری و ماف ئنسانەیل خەبات بکەیم و ڕێ نەیەیم ک خۊن بێگوناهەیل بڕشیەدە زەۊ. هاوار ئێمە بایس دەنگ ژن، ژیان، ئازادی بوودن.

وە ئومید کوردستان ئازاد و ئاباد

بەشێگ لە چالاکەیل خوارین کوردستان

- تاهره خوڕەمی                                             

۲-شەهلا کاکایی

۳-ئاتووسا مورادی

۴-ئانیسا جەعفەری

۵-فەرەحناز فەتحی

۶-پەروا دێهەلقی

۷-ئێقبال سەفەری

۸-عەلی ئەشرەف مورادی

۹-وەحید کەمالی

۱۰-د. ئاوات سارووج

۱۱-د. بابان ئێلیاسی

۱۲-شووڕش شەهباز

۱۳-کاوه خوسرەوی

۱۴-چیا بووری

۱۵-ئالان حەمیدی

۱۶-سوهراب کەریمی

۱۷-سەی مێهرداد موشەعشەعی

۱۸-شەهریار تەهماسبی

۱۹-فازڵ وەلیان

۲۰-ژیار جەهانفەرد

۲۱-ساسان عادڵی

۲۲-کەیوومرس فەتحی

۲۳-سەعدلا جەهانگیری

۲۴-فەرشاد گردەکانه

۲۵-فەرەیدوون کەرەمی

۲۶-ڕێبوار ڕەحیمی

۲۷-سامرەند سەرزەلی ئلیاسی

۲۸-د.سەی مراد باباحەیدەری

۲۹-سوحبەت ئومیدی

۳۰-فەرهاد عەزیزی

۳۱-ساسان مێهرابی

۳۲- مانێشت ئیلامی

۳۳-دانش شەهباز

۳۴-مێقداد ئومیدی

۳۵-کاکی ڕوستەم ئەلماسی

۳۶-دیاکۆ شەفیعی

۳۷-محەمەد ڕەزا ئسکەندەری

۳۸-جەمشید خوسرەوی

۳۹- کاکی عەلی یووسفشاهی

۴۰- پێژمان شەریعەتی

۴۱-محەمەد تەوفیق ئەسەدی

۴۲-کیارەش شەهسەواری

٤٣-دانیال خوسرەوی

٤٤-بابەک ناسری

٤٥-فەرەیدوون قەنبەروەیسی

٤٦-هەژار کرماشانی