حیزبی دێموکراتی کوردستانی ئێران، لە ٤٧ەمین ساڵیادی شۆڕشی گەلانی ئێراندا، پەیامێکی سیاسیی گرنگی بڵاو کردەوە. حیزب لەم پەیامەدا وێڕای هەڵسەنگاندنی دۆخی ئێستای ئێران، ڕێگای دەربازبوون لە دیکتاتۆری و گەیشتن بە دیموکراسیی لە "یەکگرتوویی سەراسەری" و "پێکهێنانی ڕێبەریی بەکۆمەڵ"دا دەبینێتەوە.
ڕەخنە لە "لادانی شۆڕش" و شکستی سیستم
لە پەیامەکەی دەستەی کارگێڕیی حیزبی دێموکراتدا کە ئاراستەی ڕای گشتیی ئێران و کوردستان کراوە، هاتووە کە شۆڕشی ساڵی ١٣٥٧ وەرچەرخانێکی مێژوویی بوو، بەڵام بەهۆی ئەوەی لە ئامانجە ڕاستەقینەکانی لای دا، بووە هۆی دامەزراندنی سیستمێکی نوێی دیکتاتۆری. حیزب دەڵێت: «کۆماری ئیسلامی لە ماوەی ٤٧ ساڵی ڕابردوودا نەک هەر وەڵامی داخوازییەکانی خەڵکی نەداوەتەوە، بەڵکوو بە پەیڕەوکردنی سیاسەتی جیاکاریی نەتەوەیی، ئایینی و ڕەگەزی، قەیرانێکی قووڵی ئابووری و کۆمەڵایەتیی بەسەر وڵاتدا سەپاندووە.»
کوردستان و سیاسەتی ئەمنییەتی
بەشێکی تری پەیامەکە تەرخان کراوە بۆ دۆخی کوردستان؛ تێیدا ئاماژە بەوە کراوە کە پاش ڕووخانی ڕێژیمی پاشایەتی، چاوەڕوان دەکرا کۆتایی بە سیاسەتی "سڕینەوەی ناسنامە" و "جیاکاریی زمانەوانی" بهێندرێت، بەڵام سیستمە نوێیەکە لە جیاتی دیالۆگ، "پەنای بۆ چەک و توندوتیژی و مامەڵەی ئەمنییەتی" برد.
"شەرعییەتی ڕێژیم کۆتایی هاتووە"
حیزبی دێموکرات بە ئاماژەدان بە ناڕەزایەتییە جەماوەرییەکانی ئەم دواییانە و بەتایبەت ڕاپەڕینەکانی مانگی "بەفرانباری ئەمساڵ"، جەخت دەکاتەوە کە کۆماری ئیسلامی زیاتر لە هەر کاتێکی تر شەرعییەتی سیاسیی خۆی لەدەست داوە و ئێستا تەنیا بە هێزی سەرکوت و سوپا لەسەر پێ وەستاوە.
سێ پایەی سەرەکی بۆ قۆناغی گواستنەوە
لە کۆتایی پەیامەکەدا، حیزبی دێموکرات سێ پێشنیاری بنەڕەتی بۆ هێزە ئۆپۆزیسیۆنەکان دەخاتە ڕوو:
ئەم پەیامە بە ڕێزگرتن لە یادی گیانبەختکردووانی ڕێگای ئازادی و هیوای یەکگرتوویی بۆ تێپەڕین لە "قۆناغی دیکتاتۆری" کۆتایی پێ دێت.
0
0