هەڕەشە و هەڵوێستە توندەكانی پەهلەوی تەنیا قسەیەكی سیاسیی كاتی نین؛ دەتوانن ببنە بەڵگەیەكی مێژوویی ـ حقوقی، ئەگەر بە شێوەیەكی زانستی و سیستەماتیك مامەڵەیان لەگەڵ بكرێت. ئەو قسەو هەڕەشانە، ئەگەر لە چوارچێوەی یاسای نێودەوڵەتی و مافی مرۆڤدا بخوێندرێنەوە، دەتوانن بنەمایەكی جددی بۆ داواكارییەكانی كورد دروست بكەن.
ئەمە كارێكی هەستەكی نییە و بە تووڕەیی وڵام نادرێتەوە؛ كارێكی پڕۆفیشناڵ و یاساییە. پێویستە تیمێك لە مافناسان و پسپۆڕانی یاسا پێكبهێندرێت، هەموو دۆكیومێنت و بەڵگەكان كۆبكرێنەوە و بە شێوەیەكی فەرمی بخرێنە چوارچێوەی بەدوادا چوونی یاسایی نێودەوڵەتی. ئەگەر ئەم هەنگاوە نەگیرێت بەر، ئەوە بە مانای ئەوەیە كە دەرفەتێكی مێژوویی بە دەست خۆمان دەسووتێنین.
لە هەمان كاتدا، هێزە سیاسییەكان و ڕێكخراوەكانی كورد نابێت تەنیا بە بەیانیە و چەند نامە و وڵام نامەیەك قانع بن. ئەم ساتە ساتی تاقیكردنەوەی هۆشیاری سیاسییە. ئەگەر لەم قۆناغەدا بە كردە ئەم. مەترسیە جیهانی نەكرێ ، دواتر هەر ڕەخنە و گازەندەیەك لە خۆمان بێ سوودە.
كۆمەڵگەی كوردی تاراوگەش دەتوانێت ڕۆڵێكی كاریگەر ببینێت؛ بە ڕێكخستنی خۆپیشاندان و چاڵاكییە مەدەنییە بەردەوامەكان، بۆ ئەوەی دەنگی نیگەرانی و نارەزایی بگەیەنرێتە جیهان و نیشان بدرێت كە ئەم بابەتە هەڕەشەیەكی ئاسایی و بیرلێنەكراوە نییە،بەڵكو بە پێچەوانەوە خۆئامادەكردنێكی هەموو لایەنەو پرۆژەیەكی ئامادە كراوە بۆ پاكتاوی ڕەگەزیی و نابێ بێ وەڵام بهێڵرێتەوە.
گافێكی سیاسی دەتوانێت ببێتە دەرفەتێكی ستراتیژیك، بەڵام تەنیا ئەگەر بە خەمساردنەبین و بە پلانی ڕوون و پڕۆژەیەكی درێژخایەن مامەڵەی لەگەڵ بكەین. مێژوو هەمیشە بۆ ئێمە ناخولقێنێ؛ ئەگەر ئەم دەرفەتە بسووتێت، ڕەنگە هەرگیز پات نەبێت
0
0